Türkiyə Silahlı Qüvvələri Suriyanın Afrin şəhərində strateji əhəmiyyətli Burseya dağını PKK və PYD terrorçularından azad ediblər.
Oxu.Az-ın xəbərinə görə, bu barədə Anadolu agentliyi məlumat yayıb.
Ötən gecə keçirilən hərbi əməliyyatlar zamanı 37 yaraqlı zərərsizləşdirilib.
Türkiyə prezidenti Rəcəb Tayyib Ərdoğan bəyan edib ki, Afrin əməliyyatı zamanı ümumilikdə 484 terrorçu məhv edilib.
Prezidentin sözlərinə əsasən, yaraqlılarla döyüşlərdə Türkiyə Silahlı Qüvvələrinin və Azad Suriya Ordusunun 20 hərbi qulluqçusu şəhid olub.
